Shpresat e mëdha për një ekip të Shqipërisë në turin e tretë të Conference League ishin varur te Laçi, por kurbinasit janë mundur 1-4 nga moldavët e Petrocub në “Elbasan Arena” dhe janë eliminuar, teksa takimi i parë kishte përfunduar në barazim pa gola.
Bardhezinjtë u zhbllokuan në minutën e 38-të me një supergol të Mazrekajt dhe e mbyllën 1-0 pjesën e parë. Kurbinasit duket se festuan para kohe. Në 54’ miqtë barazojnë më Cotogol dhe ndeshja hapet totalisht.
Kur pritej reagimi i kurbinasve, vjen goli i dytë i moldavëve. Ambros kalon në avantazh miqtë në 74’. Laçi humb toruan dhe një minutë më pas sërish është Ambros që ndëshkon kurbinasit. Të besuarit e Shpëtim Duros nuk kanë fuqi, ndërsa Petrocub shënon edhe golin e katërt në 94’.
Shfaq Komentet (0)
